صورتي في الجريده

من يوم حصل صورتي في الجريـده

وهـو يداعبنـي بسـلـك التلـفـون

صورة بليـا صـوت هـزت وريـده

يا الله عسى ما يشوفني في التلفزيـون

كل يوم مرسـل لـي رسالـة جديـده

عنوانها قلبـا ً مـن الحـب مخـزون

المشكلة ما أعرف وش اللـي يريـده

في كل ليلـة ولـه نظامـا ً وقانـون

يا أهل العقـول الواعيـات الرشيـده

لـو أنكـم فـزاع وش بـا تسـوون

لقلـت لـه سالـف بجملـة مفـيـده

سولف ولكن دون معنـى ومضمـون

قاطعتـه بلهجـة شـديـدة شـديـده

عفواً أنا ما أفهم وش تقول وش لـون

حقيقـة وروعـة وفـعـلا ً أكـيـده

بأنه حبيـب يسلـب القلـب ويمـون

يا اللي عيونـك عاملـة بـي مكيـده

وخصرك مع سحرك ولا سحر هارون

و منحـرك يختـال بجمالـه لجيـده

والردف كنه إبليس وإبليـس ملعـون

والفـذ حمـدان المكـارم رصـيـده

وأنت بدون أخلاق عادي يـا مزيـون

خليت لـك ذكـرك الغـرام السعيـد

واللي بقى جرحا ً ورى القلب مكنون

وكسبت لي مليـون شخـص بقصيـد

وخسرت لي واحـد شريتـه بمليـون

والجـرح الأول لا تحـاول تعـيـده

من دون ما تشرح لي الوضع من دون

شعر سمو الشيخ حمدان بن محمد بن راشد آل مكتوم "فزاع"

تسلمييين يااا الغلاا

على القصااائد

نتظر جديدجـ بفاااارغـ الصبر

دمتي بود

مشكوووره حبيبتي عالمرور

ثانكس خيتو على القصيده
الله لاهانج ونرتقب الجديد
تقبلي مروري مع محبتي

ثاااااااااااااااااانكسـ يالغاليهـ على هاااااايـ القصيدهـ الغااااااويهـ
تقبلي مروري لجـ:سهمـ الحبـ

يسلموو ولد زاايد وسهم الحب عالمرور

بانتظار يديدكم انشاء الله